Í seinna hálvleiki kom Noreg á odda í 49. minutti eftir innlegg úr vinstru, har Bjorn Johnsen slapp at skalla bóltin í málið. Føroyar vóru nær við at javna í 74. minutti, tá Árni Frederiksberg sendi hornaspark innfyri, har Odmar Færø skallaði á stongina. Í 84. minutti bleiv dysturin avgjørdur, á Noreg aftur skoraði eftir innlegg. 2-0 gjørdist úrslitið, men leikliga sæð var hetta ein av kanska bestu dystunum hjá Føroyum í longri tíð. Tó var sigurin hjá Noreg kanska uppiborin, tá samanum kom.

Norðlýsið skrivaði hetta um fyrra hálvleik:

Føroyar skaptu fleiri heilt stórar málmøguleikar í fyrra hálvleiki. Tað sama gjørdi Noreg, men sum heild var talan um ein undirhaldandi og í stóran mun javnan fyrra hálvleik, tá hugt verður eftir málmøguleikum.

Føroyar hava havt eini tríggjar-fýra góðar møguleikar, har Klæmint A. Olsen og Atli Gregersen vóru nær við. Meðan Noreg hevur havt eins nógvar ella kanska eitt vet fleiri av stórum málmøguleikum. Einaferð hevði Teitur M. Gestsson eina framúr bjarging.

Støðan er 0-0 í hálvleikinum og tað er kanska eitt rættvíst úrslit og tað sigur okkum, at føroyska avrikið var sera gott í fyrra hálvleiki. Til seinna hálvleik er spurningurin, um føroyingarnir fara at hava somu orkuna sum Noreg hevur.