Lýsing
Hóast lítlan og ongan vind kann vera munur á veðrinum ymsastaðir kring landið. Har sum luft verður tvungin upp um fjøll, tættist dampurin gerst til dropar, og so síggjast skýggj hanga uppiyvir. Slíkir fjallabøklar, sum síggjast á myndini, eru vanliga fleiri í tali, har sum fjøllini eru høg. | Mynd: Undirritaði

Summarveður

SKRIVAÐ: Hanus Kjølbro  |  24.06.2019 - 11:46 Tíðindi Veðrið

Í gjár, í dag og nakrar dagar fram fara vit í Føroyum at liggja undir einum hátrýsti. Tað er vanliga tað sama sum gott veður – t.e. lítil vindur og lítið avfall.

Soleiðis fer at vera teir næstu vikuna ella so. Vindferðin fer ikki upp um 5 m/s – ættin verður eitt sindur skiftandi – og tað fer ikki at regna í Føroyum fyrr enn fríggjakvøldið ella leygarnáttina. Í døgunum eftir tað fara tað at vera løtur við regni eisini.

Høgættin legði sín dám á mestsum allan mai mánaða og stóran part av juni. Í løtuni bendir einki á, at liggjandi høgætt kemur aftur tær næstu tvær vikurnar – tó onkra løtu í hesari vikuni og týsdagin og mikudagin í næstu viku.    

Men aftur til veðrið í dag.

Landsynning í norðaru oyggjunum, eystyrætt sunnanfyri. Ikki nógvur vindur – um 2-3 norðanfyri; 5 m/s sunnanfyri.

Tað verður í støðum skýggjað, tað velst alt um ættina á staðnum. Einki brúgvalag við skýggjum ella avfalli eru um okkara leiðir, og tí eru eingi ella fá høgtliggjandi skýggj oman fyri Føroyar í dag. Men kring fjallatoppar fara í støðum at vera skýggj.

Hitin í dag fer at liggja um 12 til 14 stig. Har sum lívir fyri ættini fer at vera nøkur stig heitari, meðan hitin fer at kennast 1-2 kaldari, har sum einki lívir fyri.

Lýsing
Seinastu tíðindini
Lítil vindur í kvøld
Løgmaður: Alt landið skal mennast við fi…
Norðsøki avreiðir á Eiði
Lands­kappingardystur nr. 500 hjá Fróða B…
Team Klaksvík spælir sín fyrsta heimadys…
Sera góður fiski­skapur hjá útróðrarbátun…
Alzheimers- og Skrúvuguðs­tænasta í Chris…
Lærusve­ina­skúli í Hvannasundi og á Viðar…
Upptakt: NSÍ-KÍ
Nýggir løgtings­grannskoðarar
Eitt takkarskriv fyri stuðul
Til minnis um Einar Jacobsen av Syðradal…
Mjølnir hevur tilmeldingardag
Eftir málsøkjabýtið: Útjaðarin uppaftur…
Gátufør frágreiðing um Samhaldsfasta
Ongin ógoldin rokning í Tinganesi
Bigge: Tunlarnir Norður um Fjall koma
Yvirlýsing: Samhaldsfasti riggar og skal…
Fult hús til vinnukvøld á Oyrarbakka
Dysturin um at bjóða B36 av