Lýsing
Miðalhøg skýggj í kvøld - altocumulus. Ikki óvanlig á kvøldi eftir ein skýfrían dag. Í morgin verður aftur skýfrítt, tó kunnu bøklar leggja seg um fjøllini.
|
Mynd: Undirritaði
Vesturætt aftur í morgin
Ættin hevur verið av vestri í allan dag í norðara parti av Føroyum. Sunnanfyri hevur ættin verið sunnan.
Føroyar hava ligið undir einum hátrýsti seinastu dagarnar. Hetta hátrýst fer næstu dagarnar af flyta seg vestureftir, og veðurlagið fer tí at broytast eitt sindur. Ikki nógv, men eitt sindur.
Í morgin – t.e. mikudagin – fer ættin at vera vestan fyrrapartin; út á seinnapartin fer ættin at krúpa seg upp ímóti útnyrðingi-vestri.
Vindferðin í morgin fer at liggja um 8 til 12 m/s. Í annaðkvøld minkar eitt sindur.
Í morgin er klárt. Eina løtu um kvøldið verður skýggjað.
Hitin í morgin fer at liggja um 12-13 stig.
Seinastu tíðindini