Lýsing
Lýsing

Framsøgumaðurin í fiskivinnumálum hjá Tjóðveldi samanber Høgna Hoydal við Luther

SKRIVAÐ: John William Joensen  |  04.07.2019 - 06:32 Politikkur Tíðindi

Ingolf S. Olsen, sum var framsøgumaður hjá Tjóðveldi og mest týðandi løgtingslimurin og høgra hond hjá landstýrismanniunum í fiskivinnumálum, tá nógv útskeldaðu menningarkvoturnar og fiskivinnunýskipanin varð samtykt, samanber lógarsmíði hjá landstýrismanninum við týdningin sum arbeiði sum týski reformanturin Martin Luther gjørdi innan kirkjuna.


Ingolf S. Olsen skrivar soleiðis á facebook:


Eri ikki heima, men hoyri, at onkur ætlar at stilla upp til Løgtingið sum mótvekt til Høgna, sum verður sagdur at skaða Tjóðveldisflokkin.
Vænti at tey flestu við mær í so fall stuðla formannin og stilla seg á hansara vágskál. Hann er fremstur millum líkamenn, tá tað snýr seg um politiskt format og kenslu fyri tí, sum rætt er at gera. Har kemur ongin Høgna til kníggja.

Arbeiðið við fiskivinnunýskipanini hevur verið ógvuliga, ógvuliga trupult. Skipanin hevur so grundleggjandi broytingar við sær, at eg tori at sammeta tær við, tá Luther reformeraði kristindómin.

Tað merkir ikki, at Høgni altíð ger alt rætt í prosessini. Tað megnar ongin. Listarliga avrikið hevur ikki altíð verið tað besta, men aðalmálið við fiskivinnunýskipanini er krystallklárt: Hon skal tryggja, at okkara felags ogn verður øllum núlivandi og komandi ættarliðum at gagni, og at virðini verða so javnt býtt, sum til ber. Tað er tað býtið, sum nú er atvoldin til misnøgd, og tað skilji eg væl, tí tað eru nógv, sum - ofta við góðum grundgevingum - halda seg eiga pláss fremst í røðini, tá býtt verður. Men rættvísi kann ikki altíð gandast fram í bráskundi. Rættvísi fæst við áhaldandi arbeiði yvir tíð.

Tað er eyðsæð, at tillagingar mugu gerast, men aðalmálið við fiskivinnunýskipanini er ósvitaligt, og eg eri sannførdur um, at vit øll um fá ár fara at sanna orðini hjá heimsspekinginum Schopenhauer, tá hann segði nakað soleiðis: Allir sannleikar skulu ígjøgnum trý stig á leiðini. Fyrst verður flent at teimum, síðani verður av øllum alvi arbeitt ímóti teimum (har eru vit nú), og at enda halda øll teir vera sjálvsagdar og siga seg altíð hava tikið undir við teimum.

—-

Einans Annita á Fríðriksmørk úr tingbólkinum hjá Tjóðveldi hevur higartil “ lika “ viðmerkingina hjá fyrrverandi tingliminum í Tjóðveldi, Ingolf S. Olsen

Lýsing
Seinastu tíðindini
Síðsti heimadystur hjá minst tveimum KÍ-…
KÍ hevur sett venjara til kvinnu­liðið í…
Tey fremstu fótbóltsfeløg­ini fara avstað…
Áhugaverd framløga um trivnað hjá okkara…
Glíðibreytin
Størru útróðrarbátar­nar vestanfyri í nát…
Safir og Grønanes landa á Kósini í morgu…
Don Quixote aftur á hestbak
KÍ vann stórsigur
Gunvá: Vit fáa onki at vita
Klaksvíkar kommuna respektleys
Gadus siglir heim
U19-lands­liðsleikari gjørt langan sáttmá…
Karl Birgir gav Pochettino føroyska troy…
Morgunsangur í Fuglafjarðar kirkju
Gott fiskarí í Fuglafirði
Gott fiskarí í Fuglafirði
Føroyska makrelkvotan í 2020 verður 116.…
Nakrir útróðrarbátar í dag
Grøna leiðin nýtist ikki at kostað kassa…