Dystarveðrið í kvøld
Dysturin í kvøld verður leiktur á sama vølli, sum landslið teirra spælir. Stadio Seravalle. Tað var á júst hesum vølli, at Todi gjørdi hat-trick í oktober í 1995 (undiritaði var saman við 30 øðrum áskoðarum úr Føroyum farin túrin til San Marino at hyggja eftir dystinum).
KÍ hevur seinnu árini leikt altjóða heimadystir á ovara vølli í Gundadali í Havn. Tann vøllurin vendir í vendir útnyrðing-norðan og landsynning-sunnan. Tað ger Stadio Seravalle leikvøllur eisini. So tað verður ikki so ókent hjá okkara monnum at renna aftur og fram.
Áskoðaraskýlið er vestaru megin vøllin, so tey sum sita har fara ikki at trupulleikar við sólini løtuna fyri sólsetur.
Men so er tað veðrið í kvøld, meðan dystur er ímillum Tre Fiori og KÍ.
Eitt pikkulítið lot úr landsynningi, 2 til 3 m/s. Liðini fara at fáa ein hálvleik ímóti og ein hálvleik við lotinum. Men tað fer neyvan at vera avgerandi í dystinum í kvøld.
Sólin fer niður um miðjan fyrra hálvleik. Fyri tað sær sólin, tó er onkur skýggj. Eftir sólsetur er klárt við spjaddum skýkloddum.
Hitin fer at liggja um 18 stig.
So er bert eftir at ynskja ein góðan dyst – og koyr á KÍ