Byrjað var við barnaróðuri á Ólavsøku, sum sigur er á stevnunum annars. Her gjørdu dreingirnir hjá   okkum bart við Fípuni  Føgru og vunnu róðurin trygt, har teir vóru meira enn 8 sekund skjótari enn bátur nr. 2. Genturnar  í Karini gjørdust nr,. 9 í kappingini.

Í 6 mf. fyri kvinnur gjørdist Páll Fangi nr. 5 og í 5 mf fyri dreingir gjørdist Karin nr. 3.

Nevið Reyða rakk bert til eitt annað pláss í dag, tá var Argjabáturin sum fór við sigrinum. Kappingin ímillum hesar báðar bátarnar var somikið spennandi, at lítið er at ivast í, at um teinurin, ið rógvið var var 1000 metrar í staðin fyri 900, so hevði kappingin verið enn tættari.

Sum allastaðni kring landið, var veðrið sera gott í Havn í dag, at kalla púra stilli og sera heitt eini 20 til 23 hitastig.

Nógv fólk var til kappróður í dag, helst hevur atgongumerkjasølan verið av tí mesta. Hugaligt var eisini at síggja hvussu nógv fólk, bæði kvinnur og menn høvdu valt at fara í tey føroysku klæðini. Tú kanst siga, at tað vóru tey føroysku klæðini, ið settu dám á áskoðaraøkið til kappróðurin í dag.