KÍ tapti 1-0 í Sveis móti Luzern í einum dysti, har Luzern var betra liðið, men ikki skoraði fyrr enn í yvirtíðini. Tveir av størstu málmøguleikunum í dystinum hevði tó KÍ, men ein stórbjarging og tvørstongin forðaðu KÍ at fáa eitt mál á útivølli.

Hjá KÍ eru flest allir leikarar tøkir av teimum, ið hava spælt síðstu tíðina. Ivamál er um Jonn Johannessen eins og Meinhardt P. Joensen, Óli Ey. Poulsen, Ólavur Niclassen og Darius Lewis antin ikki spæla ella eru ivasamir vegna skaðar.

Dysturin á Svangaskarði byrjar kl. 18.00 í kvøld.