Lýsing
Lýsing

Tí Dennis

SKRIVAÐ: Hanus Hansen  |  02.08.2019 - 18:20 Lesarabrøv Tíðindi

Í svari 28. juni í ár, greiddi eg Dennisi Holm frá, at ongin livir av umsetningi.

Dennis hevur hug at samanbera felagið, sum eigur Norðborg og Christian í Grótinum við felagið JFK/Næraberg. Tað er tað sama sum at samanlíkna perur og bananir.

Teir, sum eiga og reka Norðborg og Christian í Grótinum, eru sera dugnaligir at reka skip, lat ongan iva vera um tað.

P/F Næraberg, sum er  tann pelagiski parturin av JFK, hevur als ikki somu fiskirættindir, sum tað felagið, sum Dennis gjarna vil sleppa at samanbera við.

Feløgini hava uml. somu nøgd av svartkjafti. Men Norðborg og Christian í Grótinum hava uml. tríggjar ferðir meira sild og uml. tríggjar ferðir meiri makrel. Í 2018 høvdu teir umframt uml.  3000 tons av lodnu. Harumframt fiskaðu Christian í Grótinum og Norðborg uml. 4000 t av makreli í Grønlandi í fjør.

Øll, sum fáast við uppisjóvarfisk, vita, at tað gevur nógv mest pengar at fiska makrel, næstmest at fiska lodnu og síðani sild og svartkjaft.

Tað virkar ódámligt, at borgmeistarin í Vági, sum eisini er formaður í Føroya Komunufelag, skal hava so stóran áhuga í feløgum norðanfyri. Roknskapir hjá omanfyri nevndu feløgum vísa greitt eina afturgongd, síðani fiskivinnunýskipanin tók við. Tað er helst hendan veruleika, sum Dennis ikki klárar at svølgja, og sum hann tí krampaktiga roynir at skriva seg burturúr.  

Tað hevði fyrikomið mær undarligt, um Jógvan Skorheim, fór at skriva sniðfundigar søgur um Rock Trawldoors í Vági ella Delta á Tvøroyri.

Eg kenni ikki Dennis Holm. Havi aldri hitt mannin, men hann skal verða vælkomin inn á gólvið í Klaksvík, so kundu vit greitt honum frá, hvussu tingini veruliga hanga saman.

Hanus Hansen, stjóri í JFK/Næraberg

 

 

 

Lýsing
Seinastu tíðindini
Treysti í Íslandi
KÍ móti HB í morgin
Nú fer Sp/­f Jarðir til verka
Team Klaksvík spælir fyrsta steypadystin…
Tey kristinkonservativu svara aftur
Jonas Dal var væl nøgdur við Patrik
Mjølnir kapping byrjar í morgin
Stjórin á Heilsuskúla Føroya skilir ikki…
Lesandi á Glasi møttu borgar­stjóra úr vi…
Føroyingar helst ikki øðrvísi enn fjøld…
Broyting: Sølan útsett tveir tímar
Epli & Grønmeti av Sandi
Brandur á veg inn á Hvannasund
Fuglafjarðar kvøldskúli
Integration.fo nýggjur føroyskur miðdepi…
Tøkk - Henry E. J. Jarnskor
KÍ gjørt avtalu við miðvallarleikara
50 ár síðani spreingivanlukkan í Nuuk
Gadus komin
Er tín leiðari Ársins leiðari 2020?