Um fólk orka og hava hug at arbeiða, tá tey eru vorðin fólkapensjónistar, so skulu tey sleppa tað, uttan at verða revsaði fíggjarliga.

Vit síggja, at alsamt fleiri pensjónistar arbeiða eftir at tey eru vorðin 67. At tey hava orku og hug til hetta er gleðiligt. Men sum nú er, verða tey revsaði, um tey tjena ov nógv. Tað má broytast.

Pensjónistar eiga at kunna tjena hundraðogtjúgutúsund krónur árliga, uttan at missa nakra veiting ella stuðul.

Hetta gagnar bæði pensjónistum og samfelagnum.

Beinta Løwe

valevni, Tjóðveldi, listi E.