Tað er – sum ikki einaferð – eitt lágtrýst, sum kemur vestaneftir ímóti Føroyum. Tað hevur bæði vind og regn við sær. Tað hevur ongantíð hevur verið ivi um tað, men heldur nær lágtrýstið rakar okkum.

Sum viðurskiftini eru í løtuni, so fara vit at merkja lágtrýstið longu í nátt. Ættin fer niður í landsynning eftir midnátt, og eftir tað fer at regna, og vindur fer at veksa eitt sindur. Á middegi er vindferðin komin upp í 10 til 15 m/s.

Regnið heldur á til seint seinnapartin ella tíðliga um kvøldið. Um 10 tíðina í annaðkvøld fer ættin niður í landsynning-sunnan, og tað verður turt.

Leygarmorgun eru 5 m/s úr landsynningi – fyri tað mesat turt kring landið. Nakað fyri middag fer ættin upp í eystan – sama vindferð, um 5 m/s. Fyri tað allamesta turt, men onkunstaðni okkurt ælið.

Seinnapartin og um kvøldið næstan sama veður: 5 m/s av landnyrðingi-eystri, skýggjað, fyri tað allarmesta turt, men onkur ælingur. Hitin leygardagin um 10-11 stig.