- Tað er neyðugt at vit alt fyri alt lætta um fortreytirnar hjá heimaflotanum. Vit hava ein heimaflota ið er slitin til, og tískil er tað tvingandi neyðugt at vit sum land geva reiðarínum fortreytir fyri at gera nýíløgur í nýggj skip. Harumframt vil hetta hjálpa sera nógv í grøna orkuskiftinum, tá hesi 40 ára gomlu skipini dálka so ótrúliga illa.

Harumframt metir Rúni, at ein endurnýggjan av flotanum vil hjálpa reiðarínum at fáa betri rakstur í feløgini, tá nýggju skipini eru væl bíligari í rakstri, og eisini vilja arbeiðsmannagongdirnar effektiviserast.

Neyðugt við skipaðum viðurskiftum til ferðavinnuna

Eitt annað mál ið liggur Rúna nær at hjarta, er at fáa skipað viðurskiftini í ferðavinnuni.

- Tað er neyðugt at fáa skipaði viðurskifti tá tað kemur til føroysku ferðavinnuna. Føroyingum skal vera tryggjaður rætturin at ganga í haga – men harumframt er tað eisini neyðugt, at bøndurnir fáa tryggjaða arbeiðsfrið, men eisini at teir kunnu skipa tilboð ið kann geva teimum inntøkur.

Vit ynskja Rúna vælkomnan á listan, og vit síggja fram til eitt spennandi valstríð!