Á tíðindafundinum hjá Lars Olsen og Gunnar Nielsen fingu sponsku tíðindafólkini høvið at spyrja spurningar. Nærum allir snúðu seg um viðurskiftir kring spanska landsliðið. Báðir vóru samdir um, at Spania er eitt av heimsins bestu liðum, og at talan verður um sera torføra uppgávu. Eisini vístu føroysku umboðini  samkenslu við fyrrverandi spanska landsliðsvenjaranum Luis Enrique, hvørs dóttir andaðist fyri kortum.