Lýsing
Lýsing
Tað verður eftir øllum at døma heilt fitt av regni í annaðkvøld. Tað byrjar seint seinnapartin og heldur á til nakað eftir midnátt. Ringast verður sunnanfjørðs, og saman við nógvum regni fylgir altíð vindur. So har sum ættin er góð norðanfjørðs, fer ikki at regna so nógv sum í støðum sunnanfjørð, har sum ættin ikki er góð. Har fer at regna sera illa. | Mynd: mz.co.nz/news

Dorian er her í morgin

SKRIVAÐ: Hanus Kjølbro  |  09.09.2019 - 18:04 Tíðindi Veðrið

Restirnar av tropisku ódnini Dorian, sum oyðilegði so nógv í Bahamas fyri nøkrum døgum síðan, fara at seta sín dám á veðrið í morgin.

Vindurin verður ikki so nógvur, men tað fer at regna – í støðum er talan um nógv regn, upp í 12 mm í tveir tímar annaðkvøld.

Í nátt fer ættin niður í sunnan, og í morgin ári, tá ið fólk fara til arbeiðis, eru 5 til 10 m/s úr suðuri. Á middegi fer ættin í landsynning-sunnan, og vindurin fer at veksa upp í 10 til 15 m/s.

Klokkan 14 ella 15 fer at regna. Regnumráðið kemur vestaneftir, so tað regnar fyrst í Mykinesi og í Vágum; klokkan 16 regnar í øllum landinum.

Í sunnara parti av landinum (í Suðuroy, Skúvoy og Sandoy) fer at regna sera illa eina løtu, og vindurin fer at veksa upp í 15 til 20 m/s. Tað ringasta er klokkan 19 til 21.

Nakað eftir midnátt er tað samanrunnað brúgvalagið farið eystur um Føroyar. Tað fer at slíta í, ættin fer upp í útsynning-vestan, og vindurin minkar niður í 5 til 10 m/s.  

Lýsing
Seinastu tíðindini
Eg skilji ikki hví tað er so týdningarmi…
Kongstrúgvir føroyingar í øldir
3-3 gjørdist úrslitið ímillum KÍ og HB í…
Málríkur javnleikur millum KÍ-HB
Mjølnir kappingin í gongd
Treysti í Íslandi
KÍ móti HB í morgin
Nú fer Sp/­f Jarðir til verka
Team Klaksvík spælir fyrsta steypadystin…
Tey kristinkonservativu svara aftur
Jonas Dal var væl nøgdur við Patrik
Mjølnir kapping byrjar í morgin
Stjórin á Heilsuskúla Føroya skilir ikki…
Lesandi á Glasi møttu borgar­stjóra úr vi…
Føroyingar helst ikki øðrvísi enn fjøld…
Broyting: Sølan útsett tveir tímar
Epli & Grønmeti av Sandi
Brandur á veg inn á Hvannasund
Fuglafjarðar kvøldskúli
Integration.fo nýggjur føroyskur miðdepi…