Beinir Johannesen er føddur 12. februar 1997 og er harvið 29-ára gamal. Hann verður sostatt nógv tann yngsti løgmaðurin, ið nakrantíð hevur sitið. Metið higartil hevur Atli P. Dam (1932-2005), ið var 38 ár, tá hann gjørdist løgmaður í 1970, men tað verður nú tikið við ikki færri enn 9 árum.

Í morgin verður samgonguskjalið almannakunngjørt. Ein av orsøkunum til, at málsøkjabýtið ikki er alment, er, at ikki allir flokkarnir í samgonguni enn hava sett navn á landsstýrisfólk. Aksel V. Johannesen sigur við Kringvarpið, at Javnaðarflokkurin enn ikki hevur útpeikað síni boð upp á landsstýrisfólk. Hann sigur víðari, at tað møguliga ikki verður fyrrenn mánadagin, at tey verða útnevnd.

Heldur ikki Bárður á Steig Nielsen veit enn at siga, um hann verður landsstýrismaður; Sambandsflokkurin hevur heldur ikki avgjørt tað sambært útvarpstíðindunum kl. 15. Men roknað verður við, at allir floksformenninir fara í Landsstýrið