Fagraberg farin til fiskiskap
Týsdagin 31. mars, kom nýggi Fagraberg á Fuglafjørð. Síðani hava fáir arbeiðsdagar verið at gera skipið klárt í, vegna páskirnar. Fyrrapartin var klárt og menn vóru spentir at sleppa til fiskiskap eftir svartkjafti.
Sum siðvenja er, varð andakt umborð áðrenn loyst var frá landið fyrsta túrin. Manningin og umboð fyri reiðaríðið vóru við.
Á skránni var sangur, Guds orð við sjómanstrúboðaranum, heilsan frá kokkinum, bøn og signingin.
Reiðarin, Anfinn Olsen, bar eisini eina heilsu til manningina.
Síðani var ynskt: Góðan túr og Jesus fylgi tykkum!
Reiðarin loysti endan við ynskjum um Guds signing og varðveitslu. Stásiliga skipið fór frá bryggjuni, floytaði tríggjar ferðir og setti síðani kós út av Fuglafirði.
Føroyska Sjómansmissiónin ynskir teimum og sjófólkinum annars Guds signing og varðveitslu!