So er túrurin hjá okkum, mær og Alex, við konum, í Skotlandi, komin nær endanum. Í morgin flúgva vit við Atlantic heim aftur á oyggjarnar eftir enn ein ótrúliga góðan túr í Skotlandi.

Í dag var ein stórur dagur í Edinburgh, tá Riding of the Marches fór av stáplinum. Ongantíð áður havi eg sæð Royal Mile so stúgvandi fulla av fólki. Tað var nærum ógjøligt at koma fram eftir gongubreytunum báðu megin koyribreytuna og hýrurin á fólkinum var eisini heilt í topp.

Undirhald var nógv av, eini 2-300 fólk á heystbaki prýddu The Royal Mile, piper bands spældu á sekkjapípur og eitt stórt hornorkestur stóð eisini fyri tónleikinum.

Nógv ymiskt var til undirhalds, millum annað vístu ungfólk fimleikakynstur á heystbaki. Hetta var sanniliga ein uppliving fyri okkum. Showið byrjaði í dag um eitt tíðina og helt á til klokkan mundi nærkast fimm. Alt í alt ein fínur endabrestur á hesum framúr túri okkara. Vit, hetta toymið, hevur gjørt nógvar túrar saman, bæði í London, París, Aberdeen, Rom og Edinburgh. Hetta var ein av teim heilt góðu túrunum, sjálvt um hesin fall um heystið.

Men man fær ikki bæði í posa og sekk her í lívinum. Ímeðan vit hava verið her hesa vikuna, hava vit fingið nýtt landsstýri heima, KÍ kvinnurnar eru blivnar føroyameistarar og KÍ hevur vunnið trý stig, so tað er als ikki bert í Edinburgh at nakað hendir.

Niðanfyri nakrar myndir frá upplivingunum í dag.