Bústaðir: Vit taka hond um trupulleikan
Tað er staðfest leki í 5 íbúðum. Í løtuni gera vit kanningar og síðani vita vit hvussu umfatandi umvælingarnar verða, sigur Andras Róin stjóri í Bústaðir
Í gjár skrivaði Norðlýsið um leka í Biskupstorgi. Síðani hava íbúgvar í fýra øðrum íbúðum á Biskopstorgi rapportera um lekar.
Andras Róin er stjóri í Bústaðir
- Vit sendu fólk á staðið frá Kanjon, Aluplast og ráðgeva okkara frá Osbjørn Jacobsen arkitektum. Tað er ikki so umfatan skaðar. Tað eru serliga íbúðirnar í Norðurendanum. Tað er nokk komið inn eitt stað og so likið niðureftir, sigur Andras Róin við Norðlýsið.
- Tað er rætt at nakrir lekar vóru rapporteraðir fyrr í ár, men vit avgjørdu at bíða til teir fyrstu stormarnir høvdu verið, so hetta er tilvitað. Alt verður skrásett hjá okkum og nú taka vit hond um trupulleikarnar, sigur Andras Róin at enda við Norðlýsið