Leigari á Biskupstorgi: Her lekur av H....... til
Vatnið dryppar undan loftinum í einum av íbúðunum á Biskupstorgi í Klaksvík. Vit hava gjørt vart við hetta fyrr, men einki hendir, sigur Jákup Pauli Ziskason
Biskupstorg er nýggj íbúðareind í miðbýnum í Klaksvík, sum Bústaðir hevur latið byggja. Í illveðrinum og øllum regninum í nátt er farið at leka í einari av íbúðunum.
Jákup Pauli Ziskason og unnustan Helena Jacobsen eru nýligani flutt inn í eina av hesum nýggju íbúðunum við teirra barni. Tey eru alt annað enn nøgd við støðuna.
- Hesuferð er tað undan loftinum, men tað hevur likið ígjøgnum hurðina fyrr, sigur Jákup Pauli.
- Eg boðaði Bústaðir frá einum lítlum leka fyri umleið 4 mánaðum síðani, og har er einki hent enn við tí, sigur Jákup Pauli Ziskason.
Niðanfyri er filmur, sum er tikin upp í nátt.
Norðlýsið veit ikki enn um leki er staðfestur í øðrum íbúðum á Biskupstorgi.