Lýsing
Lýsing
Hans Andrias Sølvará avmyndaður á Oljufjallinum í Jerusalem | Mynd: privat

Hans Andrias Sølvará professari

SKRIVAÐ: Jóhann Lützen  |  01.10.2019 - 08:40 Leiðarin Mentan Tíðindi

Tann 24. september mælti ein akademisk metingarnevnd til, at Hans Andrias Sølvará úr Klaksvík verður tilnevndur professari í søgu við Fróðskaparsetur Føroya. Fróðskaparsetrið fylgir tilmælinum og boðar í tíðindaskrivi frá, at frá og við 1. oktober er Hans Andrias professari við Søgu- og Samfelagsdeildina. 

Fyrsti professarin í Føroyum var eisini norðoyingur. Tað var Christian Matras av Viðareiði, sum gjørdist professari, tá Fróðskaparsetrið varð sett á stovn í 1965, og av tí at granskingarøkið hjá honum var norðurlendsk málfrøði, varð hann settur við nýstovnaðu Føroyamálsdeildina. Christian Matras var einans 33-ára gamal, tá hann varð doktari, dr.phil., í málfrøði.

Hans Andrias Sølvará er føddur í Klaksvík í 1962, gjørdist bachelor í søgu á Fróðskaparsetrinum síðst í 1980’unum og bleiv cand.mag.- í søgu og filosofi við Universitetið í Århus í 1994. Síðani arbeiddi hann sum adjunktur í søgu og heimspeki við Studentaskúla og HF-skeiðið í Eysturoy 1996-2007. Hann er kanska mest kendur fyri at skriva Klaksvíkar søgu, ið hann arbeiddi við 2007-2009, men hevur eisini skrivað 1. bind av  Løgtingsøguni, ið kom út í 2002. Í 2016 bleiv Hans Andrias ph.d. í søgu.  

Fróðskaparsetrið skrivar: “Í 2009 varð Hans Andrias settur í starv sum adjunktur í søgu á Fróðskaparsetrinum. Síðan 2010 hevur Hans Andrias verið lektari í søgu á Fróðskaparsetrinum, og hevur í fleiri umførum verið dekanur á Søgu- og samfelagsdeildini. Í 2016 tók hann ph.d.-prógv í søgu við ritgerðini Frá sjálvstýri móti loysing frá 2014. Ein stytt ensk útgáva av ritgerðini er við heitinum The Rise of Faroese Seperatism eins og føroyska útgávan útgivin av Fróðskapi í 2016.”

Hans Andrias hevur verið sera aktivur at miðla sína gransking. Hann hevur skrivað talríkar greinar, níggju bøkur og verið ritstjóri á Fróðskaparriti.

Norðlýsið vil nýta høvið til at ynskja Hans Andriasi Sølvará  hjartaliga tillukku við professaratilnevningini!

Lýsing
Seinastu tíðindini
Lágættin afturkomin - liggur ikki leingi
UNPLANNED – filmskvøld í Betesda fríggja…
BankNordik vil verða við í menning­ini av…
BankNordik fingið heiðurspláss í hjartan…
Eru Føroya um at blíva vaksnar?
Heilsu­mála­ráðið traðkar á rættar­skipanin…
Myndarøð: Móttøka hjá BankNordik
Sendistova í Jerusalem krevur loysing fr…
Áhaldin og avhildin undangongu­maður - Jó…
Hvem er det, der lyver?
Jóannes: Tað er ikki heilt ómøguligt
Fólkflokku­rin hevur landsfund leygardagi…
Skúla­byggingin liðug síðst í januar – fl…
Looknorth undirskrivað keypsavtalu um vi…
Democracy Dies in Darkness
Diamant­brúdleyp - Ása og Jógvan
Malena letur upp nýggjan M-handil í N.P.…
Viðmerk­ingar til greinina um “at fella í…
Mjølnir vann 3-0 móti ÍF
Pison landar á Kósini í morgun