Lýsing
Lýsing

Ferðafólkatalið økist framvegis á Kalsoynni og Mikinesi

SKRIVAÐ: Tíðindaskriv  |  08.10.2019 - 10:32 Tíðindaskriv Vinna

Sambært samansettum hagtølum frá heimasíðuni hjá Strandferðsluni fyri summarhálvuna frá apríl til september, so økist ferðafólkatalið framvegis á smærri oyggjaleiðunum meira ella minni.

Bæði á Kalsoyar- og Mikinesarleiðini er ferðafólkatalið seinastu 5 árini hækkað meira enn til tað dupulta, meðan ferðafólkatalið á Fugloyarleiðini er økt nakað.

Komandi árini fer ferðafólkatalið á Kalsoyarleiðini uttan iva at økjast við somu ferð, tí Kalsoyggin ber nógv, og har  kann mann sigla til næstan hvønn dag á árinum. Við núverðandi ferð kann man rokna við 100.000 ferðandi um 5 ár. Økta ferðafólkatalið viðførir longu í dag, at ordiligur gonguvegur má gerast út á Kallin, at toilet- og hølisviðurskifti mugu skipast á Syðradals kaj, at bussleiðin má mennast bæði í túratali og stødd av bussi, og at SAM siglir oftari týs- og hósdagar. Grundarlag er longu nú fyri at bjóða fram taxakoyring í oynni og at útleiga bilar og súkklur – eins og grundarlag fyri at útleiga kømur og at reka hotel- og matstovuvirksemi er komið fyri at vera – og ikki minst fyri at opna ein handil í oynni, tí í løtuni er bara ein kiosk á Trøllanesi. Og so sjálvandi øll møgulig ferðavinnutiltøk sum framsýningar,  guidaðar túrar og aðrar upplivingar.

Uttan iva fer ferðafólkatalið út í Mikines at økjast lutvíst líka nógv , um mann ikki setir onkrar hindringar fyri hesum. Í Mikinesi er ferðavinnan eldri og væl meira búnað enn á Kalsoynni, sum ikki hevur verðið so væl vitjað fyrr enn nú, síðani Kópakonan varð reist í Mikladali í 2014.

 

 

Lýsing
Seinastu tíðindini
Nú kunnu allar okkara persónsupplýs­ingar…
Beinleiðis vínsmakking online fyri øll,…
Ovurstórur tørvur er á fleiri námsfrøðin…
Hjálp okkum at finna atkomuligar matstov…
Lands­stýris­maðu­rin svarar fyrispurningi…
Telving á Norð­oyastevnu
Klaksvíkar Dartfelag á Norð­oyastevnu
Norð­oyastevnublaðið kemur fríggja­dagin
Norðoya Javnaðar­felag aðalfund
Virtual FIshExpo - vit siktaðu høgt, men…
Sjáldsamur gestur á Vágni
Færøerne findes faktisk, Mette!
Broyting í innsavning­ini hjá IRF
Løgreglan ger ikki meira við málið um sk…
Kvikk afturkomin undan Íslandi
Franskur trolari landar til Kósina
KÍ gav AB bank á Argjum
Nýggj og størri nevnd í ADHD-felagnum 
Listaframsýning við Silju Strøm í Gamla…
Nú sprettir á fold og spírar..