Lýsing
Lýsing

Sáttmálar undirskrivaðir um mentanarhúsið í Klaksvík

SKRIVAÐ: Dávur Winther. Myndir: Dávur Winther  |  10.10.2019 - 11:14 Mentan Myndarøð Tíðindaskriv

Í gjár var partalagsavtala undirskrivað, sum skal fremja um- og útbygging av verandi Posthúsi í Klaksvík til stórsligið mentanarhús.

Byggiharri er Grunnurin Mentanarhúsið í Klaksvík og eru sáttmálar í sama viðfangi undirskrivaðir við Ósbjørn Jacobsen Arkitektar, sum hava projekteringsleiðsluna.

Aðrir ráðgevar eru Spenn Sp/f - konstruktiónir, PB-Consult - HVS,  LBF - EL og Steingrund Akustik Sp/f - Akustik.

Sáttmálar eru eisini undirskrivaðir við Kanjon, sum er høvuðsarbeiðstakari og síðani við arbeiðstakararnar innan HVS, Sp/F Victor á Lakjuni og innan EL, ið er TTS.

Kostnaðurin er mettur til kr. 60 mill og sambært tíðarætlanini skal bygningurin standa liðugur á sumri 2022.

Tað fyrsta, sum hendir nú, er at flyta leiðingar hjá Føroya Tele, sum liggur yvir um byggiøkið. Eftir tað verður byggiplássið innrættað so útgravingin kann byrja fyri jól – samstundis verður projekterað av øllum alvi.

Talan er heilt víst um eitt spennandi hús, sum í stóru høllini til leikuppsetan kann hýsa 380 fólkum, men við borðuppstilling til selskapir, kann hýsa væl meir enn 400 fólkum – eitt spennandi mentanarhús til margnýtslu, sum Klaksvík sanniliga hevur brúk fyri.

Húsið fer at verða karmur um alskyns mentanarupplivingar í framtíðini, samstundis sum húsið eisini eftir ætlan kann brúkast til vinnuligtiltøk, fyrilestrar, býráðsfundir, ráðstevnur og annað. Í húsinum er eisini øki gjørd til café umhvørvi, ið fer at virka sum eitt savnandi stað fyri virksemið í húsinum og býnum annars.

 

 

Lýsing
Seinastu tíðindini
Vælkomin til kaffi  í morgin 23. oktober
Klaksvíkar sjúkra­hús hevur tikið nýtt, d…
Jógvan Páll Lassen í sínum vanliga stíli
Sjálvsagt tryggja vit ognarrættin hjá fø…
KÍ Ársveitsla
Aleksandar Djordjevic ársins venjari í k…
Treysti byrjar innandura­venjingar­nar í m…
Býráðið bjóðar til morgunmat í KÍ-høllin…
- Útbyggingin gevur Fjallafípuni enn bet…
Líðhamar 15.800 pund í dag
Minkandi í kvøld
B36-KÍ verður leygar­dagin kl. 15.00
Dansivetu­rin byrjaður
Smáar vatnmyllur eru vælegnaðar í Føroyu…
Johan Dahl spyr um sjóvegis samferðsluke…
Tøkk
Norð­oy­ingar eiga helst Føroya dýrasta ve…
Miðstaðu­rin køvist í almennum íløgum
Kí á meistarakós á Djúpumýrum í dag
Einki leikbann til FM-finaluna