Lýsing
Lýsing

Morgunsangur í Fuglafjarðar kirkju

SKRIVAÐ: Dávur Winther. Myndir: Dávur Winther  |  17.10.2019 - 20:06 Kykmynd Mentan Myndarøð Tíðindi

Í meir enn 4 ár hevur verið sungið morgunsangur í Fuglafjarðar kirkju aðru hvørja viku. Tað var presturin, Anne Mette Greve Klemensen, sum tók stig til hesa hugnaløtu í kirkjuni - kl. 10 á morgni.

Talan er um eini 20 min., har tú fært eitt gott orð við á vegnum og eini fýra sálmar verða sungnir úr sálmabókini. Síðani verður boðið til ein góðan drekkamunn í kirkjukjallaranum, sum er hugnaligur við góðari kirkjulist.

So henda løtan tekur undir einum tíma við góðum sangi, einum orði og einum góðum drekkamunni. Fyri kl. 11 varð løtan liðug, og tú kundi fara aftur til dagsins gerning av góðum huga.

Í dag vóru um 40 fólk í góðveðrinum í kirkju og nógv prát var sjálvandi eisini á skrá. Henda hugnalig morgunløta, sum er 14. hvønn dag, er at kallað alt árið bert avbrotin av jólunum og í summarsteðginum.

Anne Mette, prestur er virkin í tónleika- og kórlívi og tosar ræði føroyskt, tó at hon er ættað úr Danmark. Hon tók við starvinum sum sóknarprestur í Fuglafjarðar prestagjaldi í januar 2011 eftir Una Næs – nú prósti, sum tá hevði starvast í Fuglafirði, sum sóknarprestur í 10 ár.

Lýsing
Seinastu tíðindini
Heilsa uppá KÍ leikararnar
Tummas Lervig: Eitt tað størsta nakrantí…
Mikkjal K. Thomassen var stoltur av sínu…
Hurra!!! - til KÍ - Hatta var stórt
Páll A. Klettskarð um ótrúliga sigurin á…
Kaj Leo: Starvs­fólka­bygningu­rin skal rað…
Av Norðborg: Norð­oy­ingur á veg heim
Norðborg hittir Fagraberg
Týdning at byggja brýr
Við Norðborg á tekniskan royndartúr
Býarumhvørvið skal vera fjølbroytt har…
Drúgvt arbeiði liggur aftan fyri tann li…
Fantastiskt at fáa ein nýggjan skúla
Beinir vil útvega fígging til Starvs­fólk…
Bill Justinussen hóttir við samgonguslit…
Upptakt: KÍ-Dinamo Tbilisi
Fiskaaling 50 ár
Heilsuskaðiligt heilsuverk
Linjuføringin til Gerðabø er slept
Ein ídnaðarsøga úr Svínoy