Nevnast kann at nú KÍ og NSÍ møtast í vikuskiftinum hevur KÍ fingið hálva triðuferð so nógvar pengar frá UEFA seinastu tvey árini, enn NSÍ hevur fingið. KÍ liggur nummar eitt við 60 stigum í landskappingini og NSÍ er nummar trý við 54 stigum.
 
Fimm tey niðastu liðini í fremstu deildini; Skála, TB, EB/Streymur, AB og ÍF fáa millum lítið og einki frá UEFA.
 
KÍ, Víkingur og NSÍ mannað somuleiðis tey ovastu trý plássini í næst ovastu deildini hjá monnum og vit skulu heilt niður á fjóðra plássið at finna feløg, ið ikki eru umboðaði ovastu deildini. Heili tíggju stig aftanfyri annaðlið hjá KÍ kemur 07Vestur og síðani B68 og B71.
 
Tá landskappingin byrjaði í ár átti B36 heilar 3,1 mió. kr. í reiðum peningi í bankanum og Víkingur var peningasterkasta felagið í landinum við ikki minni enn 4,0 mió. kr. á bankabókini.
 

Afturat UEFA pengunum fáa feløgini pening fyri landsliðsleikarar og kunnu vit nevna at nú heili fýra KÍ leikarar vóru til seinastu tveir landsdystirnar fekk KÍ kr. 200.000 í kassan í einum. Eisini teir pengarnir enda sjálvsagt hjá fremstu feløgunum, tí tey hava kontrakta bestu leikararnar.
 

Europa pengar 2018-2019
 
2018:
Víkingur 800.000 EUR
B36 720.000 EUR
KÍ 460.000 EUR
NSÍ 240.000 EUR
 
2019:
HB 800.000 EUR
B36 240.000 EUR
KÍ 720.000 EUR
NSÍ 220.00 EUR
 
 
2019 og 2018 tilsamans umroknað til danskar krónir:
 
KÍ                   Kr. 8.814.836,-
B36                Kr. 7.171.392,-
Víkingur         Kr. 5.976.160,-
HB                  Kr. 5.976.160,-
NSÍ                 Kr. 3.436.292,-