Jacob Vestergaard segði at hann skilti ikki atfinningarnar tí ongar grundleggjandi broytingar vóru í mun til galdandi lóg viðvíkjandi ognarskapinum.
 
Einasta broytingin var at í dag skal løgtingið á hvørum árið góðkenna langtíðar loyvini og um løgtingið ikki góðkennir at ein aktørur sleppur at halda fram, so missur hann loyvi um átta ár. Hetta broyttu vit soleiðis at ístaðinfyri at løgtingið á hvørjum árið skal formliga viðgera og blástempla at loyvini halda fram, til at landsstýrismaðurin skuldi leggja uppskot fyri tingið um at siga brúksrættin upp og so var 10 ára uppsagnarfreist fyri einstaka aktørin.
Vit hava í dag eina rullandi skipan og fyri meg kann tað verða líkamikið um hon rullar hendan ella handan veg.
 

Løgmaður: Samgongan samd um at tryggja ognarrættin til tilfeingi.
Bárður á Steig Nielsen, løgmaður sigur at samgongan hevði ein góðan fund í gjár:
Samgongan er samd um at tryggja ognarrættin hjá føroya folki til tilfeingi og tað hevur ongantíð verið talan um at tilfeingi skal latest privatum. Vit hava eina skipan í dag við brúksrætti og vit eru samd um at hon skal halda fram.
Almennu viðmerkingarnar sum hava verið í miðlunum byggja ikki á tað sum stendur í uppskotinum sum fyriliggur. Tað er sera trupult at hava eitt orðskifti, sum ikki byggir á fakta. Vit høvdu ein góðan fund í gjár har vit vóru samd um at gera nakrar broytinga soleiðis at orðingarnar í galdandi lóg um at løgtingið skal góðkenna at loyvini halda fram á hvørjum árið , vera standandi, sigur Løgmaður í viðmerking í morgun,