Lýsing
Lýsing
Lýsing

Fleirmælt børn skulu hava nøktandi tilboð

SKRIVAÐ: Javnaðarflokkurin  |  30.10.2019 - 13:33 Politikkur Tíðindaskriv

Dagstovnar og fólkaskúlar skulu hava umstøður til at bjóða øllum fleirmæltum børnum góða málundirvísing í føroyskum. Hesi viðurskifti eru ikki nøktandi í dag, heldur Jóhannis Joensen, tingmaður fyri Javnaðarflokkin, sum hevur sett landsstýrismanninum við mentamálum ein fyrispurning um málið.  

Nógv fólk flyta til Føroya á hvørjum ári, og tað er sera gleðiligt, at vit fjølgast. Fleiri av teimum, sum leita hendavegin eru av fremmandum uppruna, og summi teirra tosa bert upprunamálið og lítið ella einki av enskum ella norðurlendskum máli. Hetta kann gera tað trupult at integrera tey í samfelagið. Tey kunnu hava trupult við at fáa arbeiði, serliga tí torført er at samskifta. Hetta førir við sær, at tey ikki gerast partur av felagsskapum í samfelagnum og kenna seg tí útstoytt ella ikki at vera ein aktivur partur av samfelagslívinum. Uppaftur størri er avbjóðingin innan barnagarðs- og skúlagátt, og tað er her, at vit veruliga eiga at seta inn, heldur Jóhannis Joensen, tingmaður fyri Javnaðarflokkin, sum hevur sett landsstýrismanninum við mentamálum ein fyrispurning.

- Fleirmæltir næmingar hava brúk fyri nógv størri hjálp til føroyska móðurmálsundirvísing, enn teir fáa í dag. Fólkaskúlin er ikki tillagaður hesar næmingar, og lærarar hava hvørki tíð ella førleikar til at undirvísa fleirmæltum. Her eigur okkurt at henda beinanvegin, sigur Jóhannis Joensen. 

Tingmaðurin vísir somuleiðis á, at hoyra børnini ikki føroyskt heima, er skúlin ella dagstovnurin einasta stað, har barnið lærir málið. Tí er tað umráðandi, at vit í felag fara undir at veita hesum børnum skjót og nøktandi tilboð fyri samfelagsins, skúlans, lærarans, og næmingsins besta, skrivar Jóhannis Joensen í viðmerkingunum.

Jenis av Rana, landsstýrismaður í mentamálum, skal svara fyrispurninginum innan 10 yrkadagar.

 

 

 

Lýsing
Seinastu tíðindini
Kunning frá trúboðarum – í Betesda sunnu…
Havnarbátu­rin javnaði til 2-2
Oyggja­leikir: Løgmaður ynskti íðkarum gó…
Svein Rógvi tippar barna­róðurin
Nøglin: Svein Rógvi tippar Varmakelduróð…
KÍ, Víkingur og NSÍ spæla altjóða heimad…
Kort yvir Laksatorgið
Føroyskt teknmálið verið góðkent í átta…
Stuðuls­fólk til 19 ára gamlan drong
EKKÓ í Varpinum
Blákollan letur stuðul til Team Rynkeby
Tøkk - Sam Adolf Bjartalíð
Klaksvíkar kommuna hevur fingið nýggjan…
Nýggi graslíkisvøllu­rin verður tikin í n…
HARALDSEN diskar á Summar Festivalinum
Skamnesty International
Fyrsti kúlulaksu­rin longu fingin
Hallur væntar at spæla í Finnlandi
Air France-KLM fer eftir meiriluta­num í…
Team Klaksvík hevur sett nýggjan høvuðsv…