Óli, ættaður úr Klaksvík, búsitandi á Argjum, skrivar um síðutrolarar, sum komu til landið árini 1905-61. Fyrstu mongu teirra vóru kolfýrdir, síðan komu teir oljukyndu og seinni aftur motortrolararnir.

Ein av oljukyndu guvutrolarunum var Skálaberg KG 118, sum kom nýggjur á Klaksvík undan jólum í 1956 og fór av aftur landinum í 1974.

Skálaberg førdi ein øgiligan fisk til lands. Kaj Johannesen var skipari. Sonur hansara, Mortan, loysti hann seinni av á brúnni. Samson O. Samson, systursonur Kaj, førdi eisini trolaran.

Í høvuðspartinum, "Minnisbrot úr trolaralívi," verður mangt og hvat tikið fram, eitt nú tá ið trolarin Vesturskin legði seg á Barðinum ávegis á Sørvág. Skiparin, Svenning Johannesen, sigur frá.