Lýsing
Lýsing

Hava skoparúm í KvF

SKRIVAÐ: John S. Myllhamar  |  08.11.2019 - 13:24 Lesarabrøv Mentan

Nógvar føroyskar bøkur, bæði av uppruna og týddar, komu út hvørt ár, serliga fram móti jólum. Ikki allar bøkurnar verða gjørdar kendar, kanska tí rithøvundin ikki er so framligur, ella hevur ikki ráð og møguleika til tess. Áhugin hjá miðlunum er heldur ikki fyri hesum høvundum og teirra bókum.

Fylgir tú eitt sindur við í KvF, so vera aftur og aftur teir somu sex ella sjey rithøvundarnir róptir inn í útvarps- og sjónvarpsstovurnar at ummæla tey mentanaravrik, sum teir í bókum og list hava latið úr hondum. Og er einki nýtt at viðgera, eru verturin og rithøvundin klárir at ummæla teirra gomlu bøkur umaftur.

Kanska er synd at viðmerkja hetta, tí ivaleyst er KvF teirra einasti uggi.

Einki rós, ja, so sjálvrós.

Løgið, tá ið tað árliga kemur so stórt tal av bókum út í Føroyum, at eingin av øllum hesum rithøvundum og listafólkum dugir sítt verk so frægt, at tað er vert at umtala. Ella skulu rithøvundar avgjørt vera sama slag sum teir sex? Onkur hevur tikið til: Hægsta mentan í KvF at dáma best tær bøkur, sum viðgera undirlívið á menniskjum, og bøkur við feitum illbønum og ráum útsøgnum. Skalt tú avgjørt liggja heilt úti á rætta politiska vonginum fyri at fáa ljóðtakið í KvF í hondina? Tey, sum liggur á miðjuni ella kanska eitt sindur til høgru, mátti eisini kunna fingið eitt lítið petti av rúmd har.

Týðiliga skínur ígjøgnum, at tað eru rithøvundar, sum starvast ella hava tætt tilknýti til KvF, sum í tímavís og tá ið teimum lystir, fáa ljóðtakið á stovninum í hondina at ummæla síni verk.

Journalistar á Føroya Hámentanarstovni áttu natúrliga verið breiðir, objektivir, og politiskt og átrúnaðarligt óheftir, og avgjørt ikki latið tað skinið ígjøgnum, hvat fyri rithøvundar og listafólk teimum hóvar, at hava hjá sær í KvFstovuni.

Kostnaðarmikið er at prenta bøkur, so tað er at vóna, at hesir selja nakað av sínum avrikum, sum teir hava fingið miklar upphæddir av virðislønum, heiðursgávum og almennum stuðli fyri at hava lagt úr hondum. Vónandi er ikki eisini neyðugt hjá hesum at tveita túsundtals bøkur á brennistøðina, soleiðis sum onkur sigur seg vera noyddan at gera,

 


Onkuntíð spyr tú teg sjálvan: Vera allir hinir rithøvundarnir í Føroyum og øll tey, sum lesa teirra bøkur, mett sum býtt og Ó í høvdinum, tí tey ikki eru sama slag sum teir sex?

 


John S. Myllhamar

Lýsing
Seinastu tíðindini
Vit skulu fjølgast
Skid Row á Vágsbø
Argjafólk: Politikarar siga eitt og lova…
Bragd og Kallanes
Ókeypis frumsýning í Spinnarí­num av ''Ve…
Beinleiðis úr Vágum til Liverpool at upp…
Útróðurin - "eystan, lands­ynning og kava…
Presturin nógv at gera
Fólka­heilsu­ráðið haft samstarvsfund
Nú bleiv ein pensjonistur aftur sagdur ú…
A-landsliðið hevur fingið venjara og hjá…
SPEKT letur skrivstovu upp í Klaksvík
Føroya besti tippari skal finnast á Sona
Erling Joensen 85 ár
Tunnilsblaðið í gerð
Limafundur hjá Norðoya Heimavirki
Pól Sundskarð á ferð
Negativ renta skal ikki kunna áleggjast…
2019 var eitt gott ár hjá BankNordik
Gott og gevandi at vitja limirnar kring…