Lýsing

Hevur Jenis onga ætlan at styrkja førleikarnar á dagstovnum?

SKRIVAÐ: Føroya Pedagogfelag  |  11.11.2019 - 23:04 Politikkur Tíðindaskriv

Í fyrispurningi til Jenis av Rana, landstýrismann, hevur Jóhannis Joensen, tinglimur, spurt landsstýrismannin, hvørjar ítøkiligar ætlanir landsstýrismaðurin hevur, viðvíkjandi málundirvísing fyri fremmandmælt børn á dagstovnum og í skúlunum.

Í skrivliga svarinum til Jóhannis, hevur landsstýrismaðurin útgreinað sínar ætlanir. Pedagogfelagið harmast um svarið. Í svarinum nevnir Jenis einki um ætlanirnar fyri dagstovnarnar. Harafturímóti er ætlanin at eftirútbúgva lærarar, ið undirvísa fremmandmælt børn.

Barnið byrjar ikki at læra tá tað gerst 7 ár. Starvsfólkini á dagstovnunum taka eisini ímóti fremmandmæltum børnum. Hesi skulu sjálvsagt eisini fáa somu førleikar, sum nú stendur lærarum í boði – og við tí fylgir eisini tíð til at gera uppgávuna.

Síðani stjørnarskiftið í september mánaði, hevur Pedagogfelagið heitt á landsstýrismannin um, at koma á fund við felagið. Her vildu vit umrøða ætlanirnar hjá landsstýrismanninum við teimum økjunum, har okkara limir arbeiða. Tað hevur ikki borið til enn hjá landsstýrismanninum at møta felagnum.

Pedagogfelagið fer at heita á landsstýrismannin um at koma við ítøkiligum ætlanum fyri dagstovnarnar. Vit skulu minna á, at landsstýrismaðurin eisini umsitur dagstovnalógina og námsfrøðina í dagstovnunum.

 

Lýsing
Seinastu tíðindini
Húsarhalds­skúlin: Alt væl
Bátatreffið avlýst
Tveir nýggir koronatilburðir eru staðfes…
Rógvi og Rigmor blivu føroyameistarar í…
Heilsan til M.C.
Spøl, felagssangur og framførsla íkvøld
Gott úrslit hjá BankNordik hóast eitt…
Føroyar varðveitir kredittvirðið
Tøkk - Sunvid Asta Højgaard, fødd Hansen
Børnini skulu hava betri karmar – nýggju…
Væleydnaða rørsluátakið hjá ÍSF og Fólka…
Grindir­nar nærkast hvørjari aðrari
Alneyðugt at tryggja atgongd­ina til nátt…
Kinkur komin í um Húsarhaldsskúlan
Løgmansrøðan verður vigað
Bátatreff: Norðlýsið á gøtuni fríggjadag…
Nýtt videobrot um angist
Jonn Johannessen er toppskjútti av U21-l…
KÍ hevur trý stig fleiri enn um somu tíð…
Krút sterka kvinnu­liðið hjá KÍ hevur nú…