Ormurin Langi skrivar soleiðis á facebook:

Ormurin Langi 2020!

Sum undanfarnu ár, so verður bláa stevnið aftur at síggja komandi summar.
Men eingin róður uttan bátar. Hvussu man vera við teimum grovu garpunum norðani frá, eysturoyingarnir ella teir tiltiknu klaksvíkingarnir? Ella kanska onkur heilt annar har um leiðir. Vónandi Drekin Reyði ella Havnarbáturin bjóða av um slagið um havnina/Argir. Ella kanska Suðuroyingur ætlar okkurt og buldrar alt ígjøgnum, hvør veit.
Nakrir nevndir, eingin gloymdur.

Sum skilst hevur verið arbeitt við at manna Klaksvíking aftur til 2020 eftir, at hann stóð í neystinum kappingarárið 2019. Enn er eingin almenn útmelding komin um, um komið er á mál við hesum málsetninginum. Norðlýsið fer at kanna málið í KRF komandi tíðina.