Seinasta venjingin í gjár hevði tilvildarligar partar og bleiv ikki brúkt til at samanspæla liðið til dagsins dyst.

Í gjár skrivaðu vit, at venjingin gav ábendingar um uppstillingina til dagsins dyst, har 10 leikarar vóru í parti við m.a. trimum í verjuni. Men nú uppstillingin er almenn vísti tað seg, at einki lá í pørtunum undir venjing. Síðsta venjingin plagar ofta at vera brúkt til at samanspæla liðið, sum skal byrja inni, men soleiðis var ikki hesaferð. Tað merkir m.a., at Jóannes K. Danielsen ikki byrjar inni, meðan Jóannes Bjartalíð varðveitir sítt pláss.

FSF boðar frá, at uppstillingin verður hendan:

Gunnar Nielsen verður í mál, og í verjuni verða Heini Vatnsdal, Atli Gregersen og Rógvi Baldvinsson. Á miðvøllinum frá byrjan verða Gilli Sørensen, Brandur Olsen, Sølvi Vatnhamar og Viljormur Davidsen. Framrættaðir miðvallarar verða Jóan Símun Edmundsson og Jóannes Bjartalíð, meðan fremsti maður verður Klæmint A. Olsen.

Eykaspælarar verða Teitur M. Gestsson, Kristian Joensen, Magnus Egilsson, Ári Mohr Jónsson, Andrias H. Eriksen, Jóannes Kalsø Danielsen, Odmar Færø, Kaj Leo í Bartalsstovu, Árni Frederiksberg og Patrik Johannesen.