Lívligur fundur um fiskivinnuna
Manningarfeløgini fingu sín boðskap út í sambandi við tilgongdina at gera nýggja sjófeingislóg, sum ætlandi verður samtykt áðrenn ársskiftið. Síðani var politiskt kjak har fleiri áhugaverd sjónarmið vórðu borðin fram á torg. Norðlýsið var einasti miðil á staðnum, vit tóku kjakið upp
Fiskimannafelagið, Skipara- og Navigatørfelagið og Maskinmeistarafelagið settu fiskivinnuna undir luppin í Smæruni ígjárkvøldið. Fitt av fólki vórðu møtt upp til fiskivinnufund í havn og sum fyrrverandi løgmaður málbar seg, so var hetta fyrstu ferð hann var til fiskivinnufund í Tórshavn.
Nýggja lógin um sjófeingi, sum samgongan ætlar at fáa samtykt í ár, var á breddanum. Teir tríggir formenninir fyri manningarfeløgini góðu sínar hugsanir til kennar, vegna teirra feløg. Manningarfelgini høvdu heitt á Eivind Jacobsen at greina tølini innan fiskivinnuna seinastu árini.
Síðani varð politiskt orðaskifti og tá kom lív í. Djúpa gjáin millum samgongu og andstøðu brast út í ljósan loga og hetta sást best í orðadráttinum millum Jacob Vestergaard, fiskimálaráðharra og Høgna Hoydal, fyrrverandi fiskimálaráðharra.
Nógvir spurningar úr salinum. Vit fingu alt kjakið í kassan. Sí niðanfyri.