Deildarleiðarin hjá Vørn, Jóhann Simonsen, sigur at tað út frá landingartølunum á heimasíðuni hjá Vørn ikki ber til at samanbera søluprísin og vøruna sum Norðborg og Næraberg framleiða.
 
- Tølini á heimasíðuni hjá Vørn eru røtt, men fyri tað ber ikki til at samanbera skip beinleiðis. Tað nú einaferð soleiðis at landingartølini vísa bara tað sum er komið í land. Tá Norðborg landar í Norðhavnini til Skipafelagið, er uppgávan hjá Skipafelagnum at geva okkum tøl sum vísa hvussu nógv liðugt framleitt vøra kemur úr skipinum.
- Teir skriva bara upp hvussu nógv tað viðar sum verður lagt uppá land og einki annað. Tí kann tað verða sera trupult at samanbera tøl.
- Tað er sera einkult hjá Nærabergi. Umborð á Nærabergi verður svartkjafturin koyrdur í eskjur og frystur.
- Norðborg hevur fleiri møguleikar og onkuntíð sker Norðborg høvdið av svartkjaftinum og onkuntíð verður hann skorðin til flak. Tí verður tað ikki heilt eins.
- Vit kundu sjálvandi havt viðmerkingar um hetta á heimasíðuni, og tað mugu vit taka á okkara kappa at tað ikki er gjørt, sigur Jóhann Simonsen deildarstjóri á VØRN.

Hann sigur at skullu tølini brúkast til samanberingar av einstøku skipunum, so mugu útgreiningar gerast, tí tølini eru skásetingar sum hava samband við at Vørn fyrst og fremst kannar hvussu nógv í hvørt skipið fiskar.