Sp/f Búrhella økt um lastbilaflotan
Stórir kranabilar hava verið ein mangulvøra í norðurøkinum. Við hesum keypinum eru vit komin heilt væl á leið at nøkta tørvin, sigur Frimodt Rasmusen stjóri í flutningsfyritøkuni Sp/f Búrhellu.
Tað er fyritøkan Sp/f Kjartan Simonsen, ið hevur selt kranabilin til Búrhellu. Umframt at selja lastbilar hevur Sp/f Kjartan Simonsen eisini verkstað til lastbilar.
Herfyri yvirtók Bjørn Simonsen eftir pápa sín Kjartan Simonsen. Bjørn er fegin um søluna og sigur, at tey seks starvsfólkini hava nógv at gera. Hetta er næsti bilurin, ið er leveraður hesa vikuna.
Nýggi kranabilurin hjá spf Búrhellu er av slagnum MAN TGS 35.500. Hann hevur ein HMF 9520 OK6 FJ2000 K6 krana. Harafturat er bilurin útgjørdur við bátastúttum og lastin kann leingjast 1,2 metrar. Bilurin er sera væl uppbygdur til flutning av størri tyngri lutum.
Hetta er fimti bilurin, ið sp/f Búrhella keypir frá Sp/f Kjartan Simonsen, og er Frimodt Rasmussen sera væl nøgdur við tænasturnar frá teimum.