Lýsing
Lýsing
Lýsing
Heilt fitt av vindi sunnunátt og sunnumorgun. Seinnapartin minkar. | Mynd: Al Jazeera

Nógvur vindur í nátt og í morgin

SKRIVAÐ: Hanus Kjølbro  |  07.12.2019 - 06:00 Tíðindi Veðrið

Lágtrýstið, sum hevur givið okkum vátakava og/ella kava í gjár, er nú farið norður í Barentshav. Vit skulu ikki bíða leingi eftir tí næsta. Tað fara vit at merkja í kvøld, í nátt og í morgin.

Vanligt er, at ein hátrýstryggur við góðum veðri stingur seg upp ímillum tvey lágtrýst. Soleiðis hevur eisini verið hesaferð.

Í nátt hevur verið gott veður – eitt lítið lot úr útnyrðingi-norði.

Á middegi í dag fer hann at mala úr ymsum ættum eina løtu, men út á seinnapartin er ættin landsynningur. Tað er so tað fyrsta, vit fara at leggja til merkis tað nýggja lágtrýstið.

Tað verður lítil vindur í byrjanini, men í kvøld fer hann at veksa, samstundis sum eitt brúgvalag við kava og/ella regni nærkast okkum úr útsynningi, og ættin fer upp ímóti eystri.

Á midnátt er vindferðin komin upp í 15 til 20 m/s úr eystri, og nakrar tímar seinni er vindferðin komin upp í 20 til 25 m/s av landnyrðingi. Mesti vindurin verður eftir klokkan 8 í morgin ári – um 22 til 27 m/s í miðalvindi. Hetta er hvassur stormur.

Lágtrýstið, sum stendur fyri hesum nógva vindinum, fer framvið beint sunnan fyri Suðuroy út á fyrrapartin í morgin. Trýstið er tá um 951hPa – og tað er sera lágt. At lágtrýstið kemur so nær okkum, merkir, at tað skal bert lítil broyting til, at veðrið ikki verður sum spátt.

Vindurin fer at minka eftir middag í morgin, og ættin fer at flyta seg upp ímóti norði.

Lágtrýstið er endaliga farið frá okkum á middegi mánadagin. Tá verður gott veður aftur við lítlum vindi av norði, so skiftir hann aftur til landsynning-sunnan, og tað næsta djúpa lágtrýstið fer at nærkast…

 

Lýsing
Seinastu tíðindini
Óvæntað samanseting bleiv til rómapopp
Árligi útláns­vøkstur til vinnuna 2,6% í…
Dugir tú at vaska vembur
Linda: Eg havi 70 børn í ár
Nýggjur palllista­skúli í Klaksvík
OYL25: Vit hugsa bert um svimjing
Samrøða við Torkil Mørkøre
SSL stjórin: Royndarsiglingin gekk sera…
Magnus og Olgar áttu Víking (seinni Eldo…
Russiska fyritøkan stendur spyrjandi
Nøglin í dag kl. 15
Bankar: Fíggjarstøðan hjá vinnukundum ba…
Høganesvegu­rin verður longdur
Rottangatøming í Svínoy
Sílaverkætlanin heldur fram, og okkum tø…
Myndarøð: NSÍ-HJK - á Djúpumýru
Góður fyrri hálvleikur hjá KÍ
Her sæst KÍ dysturin
Ægir fyrra tíman og Torkil Mørkøre seinn…
Atgongumerkjaprísu­rin einaferð enn