Veðrið dag fyri dag fyri tað, sum er eftir av árinum.

Seinnapartin í dag minkandi vindur úr útsynningi-suðuri. Í kvøld er vindferðin komin niður í 8 til 13 m/s. Brúgvalagið er farið framvið um 15 tíðina. Eftir tað er tað fyri tað mesta turt kring landið – tó okkurt æl í støðum. Hitin í dag 7-8 stig.

Í nátt minkandi vindur úr útsynningi-suðuri og í morgin ári og fyrrapartin landsynningur-sunnan, 5 m/s. Um middagsleitið veksur vindurin aftur eitt sindur – upp í 10 til 15 m/s úr suðuri. Í annaðkvøld minkar vindurin aftur, og tað slítur í. Hitin í morgin 7-8 stig.

Í ovurmorgin 10 til 15 m/s úr útsynningi. Tað regnar fyrrapartin, men slítur í út á seinnapartin. Eftir tað turt kring landið. Hitin fer at liggja um 7-8 stig.

Fyri gamlaárskvøld eru forsagnirnar eitt sindur ymiskar. Flestu veðurstøðir siga frá útsynningi, men vindferðin er ymisk – onkur veðurstøð sigur frá 10 m/s; onnur veðurstøð væntar næstan 20 m/s. Vit fáa at síggja.