Tær seks mátistøðirnar hjá Vørn søgdu allar frá minni vindi seint í gjárkvøldið og í nátt. Nú siga allar frá spakuliga veksandi vindi.

Vindøkið kemur til okkara vestan- og sunnanífrá, tí er mesti vindurin í dag í Mykinesi og í Akrabergi.

Í Akrabergi er mesti vindurin, klokkan er trý korter til tólv, og minsti vindurin er á Kirkju. Máldir verða 16 m/s og 3 m/s, ávikavist. Ættin er útsynningur.

So er tað tað, hvussu fer at roynast seinnapartin og í kvøld.

Væntað verður, at vindurin fer at veksa eitt sindur meir úr útsynningi, og í kvøld er miðalvindurin komið upp í 13 til 18 m/s. Í støðum fara hvirlurnar at vera nakað harðari.

Ætlandi turt allan dagin í dag og í kvøld eisini. Hitin um 7 til 8 stig í dag; í kvøld 4 til 6 stig.

Gott nýggjár øll somul.