Lýsing

- Vit arbeiða miðvíst við at menna eldratænasturnar

SKRIVAÐ: Jóhann Lützen  |  27.01.2020 - 21:02 Politikkur Tíðindi

- Síðani Føroya Løgting í 2015 legði eldraøkið út til kommunanna ábyrgd og umsiting, hava kommunurnar í Norðoyggjum í felag gjørt eitt ógvuliga miðvíst arbeiði fyri at menna eldratænasturnar, sum Norðoya Bú- og Heimatænasta (NBH) veitir eldri borgarunum her í økinum, sigur Jógvan Skorheim, stýrisformaður.

Tað eru nú 5 ár síðan, og hevur Norðlýsið nýtt hetta høvi til at spyrja Jógvan Skorheim, stýrisformann í NBH,um hvørji mál eru rokkin, framtíðarætlanir o.s.fr. Í blaðnum 15. januar var longri samrøða við borgarstjóran, sum vit her endurgeva partar av.

Eldraøkið varð 1. januar 2015 lagt út til kommunurnar at umsita, og settu kommunurnar í Norðoyggjum tá á stovn javnbjóðis eldrasamstarvið Norðoya Bú- og Heimatænasta (NBH), hvørs ovasta leiðsla er eitt stýri, ið er mannað við borgarstjórunum úr øllum kommununum í Norðoyggjum, umframt seks býráðslimum úr Klaksvíkar kommunu.

Ein væl fyrireikað tilgongd
- Nakað av tí fyrsta, sum vit í stýrinum fyri NBH samtyktu, var, at vit ikki skuldu gera tær stóru broytingarnar beinanvegin, men heldur skuldu læra alt økið at kenna fyrst, áðrenn møguligar broytingar vórðu gjørdar, sigur Jógvan Skorheim.

- Tó samtykti stýrið rættiliga skjótt, eftir ynski frá Marnu Ellingsgaard Jensen, stjóra, at seta ein fakligan samskipara og á tann hátt at raðfesta fakliga menning, har uppgáva samskiparans m.a. er at arbeiða við menning av tænastunum, menning av starvsfólkum, savna hagtøl o.s.fr.

- Síðani varð farið undir umfatandi kanningararbeiði fyri at læra økið at kenna. Kanningararbeiðið byrjaði við dialogfundum og umfatandi nøgdsemiskanning , har brúkarar, avvarðandi og starvsfólk fingu høvi at siga sína hugsan um eldraøkið, og eg má siga, at tað var ógvuliga lærandi og áhugavert fyri meg sum stýrisformann at luttaka í hesi tilgongd, har vit fingu høvi at hitta fleiri av starvsfólkunum hjá NBH, sum við sínum drúgvu royndum og vitan høvdu nógv viðkomandi upp á hjarta, sigur Jógvan Skorheim, sum sjálvur var ein virkin partur av hesi tilgongd.


Visjónin setur kósina

Úrslitini av nøgdsemiskanningini, sum eisini kunnu síggjast á heimasíðuni www.nbh.fo, góvu eitt gott grundarlag fyri at orða eina visjón fyri NBH, sum er soljóðandi:

“NBH strembar eftir at skapa fjøltáttaðar møguleikar fyri nærveru, eldru borgarum, avvarðandi og starvsfólkum at gagni.

NBH vil raðfesta fleksibilitet og samskapan í teimum loysnum, ið framyvir skulu finnast á eldraøkinum.

Fyritreytin er eitt hugvekjandi øki, sum er grundað á álit, høgt fakligt støði og virðing.”

- Umframt hesa yvirskipaðu visjón varð eisini ein meira ítøkilig strategi løgd fyri menningina av tænastunum hjá NBH.


Arbeiða miðvíst við at menna

- Síðani Føroya Løgting í 2015 legði eldraøkið út til kommunanna ábyrgd og umsiting, hava kommunurnar í Norðoyggjum í felag gjørt eitt ógvuliga miðvíst arbeiði fyri at menna eldratænasturnar, sum NBH veitir eldri borgarunum her í økinum, og eg síggi fram til – saman við stýri, leiðslu og starvfólkum – at virka fyri at fremja enn fleiri av hesum ætlanum, til frama fyri tey eldru her í økinum, sigur Jógvan Skorheim, formaður í stýrinum fyri NBH.

Lýsing
Seinastu tíðindini
Brandur 8.500 pund
Vinnarin av Klaksvíkskapping­ini vinnur n…
Podl og Trump
Ísdrotning við Spónhyl á Viðareiði
Klapptosk á Flesjum
Reflex grýlur á Skúlavegi
Ein heimur í broyting
Sendið inn tykkara grýlumyndir
Jimmy Sell úr danska Uttanríkisráð­num vi…
Framsýning í Glyvra kirkju
Býráðsval 2020: Fólka­flokku­rin uppstilli…
Toskur sum vigar upp ímóti 20 kg
Nú trúgva fólk aftur uppá tað
Sanders styrkur úr Nevada til supertýsda…
Arbeiða teir ólógliga við avgrevstrinum
Danski A-lands­liðsvenja­rin vitjar KÍ
Teir landa í morgun
Pison landar á Kósini
Framsókn leggur fram uppskot um samkipað…
Frímerkjaútgáva Flogbóltur: Rógvi Holm m…