Lýsing
Lýsing
Lýsing

Eingin herskylda verður í Føroyum

SKRIVAÐ: John William Joensen  |  13.02.2020 - 08:29 Politikkur Tíðindi

Føroyingar hava ongantíð í søguni verið undir danskari herskyldu, og tað fara teir heldur ikki í framtíðini. Tað gjørdi Bárður á Steig Nielsen, løgmaður, greitt undir orðaskiftinum um danska herskyldu í løgtinginum seint seinnapartin í dag.

Føroyingar hava ongantíð í søguni verið undir danskari herskyldu, og tað fara teir heldur ikki í framtíðini. Tað gjørdi Bárður á Steig Nielsen, løgmaður, greitt undir orðaskiftinum um danska herskyldu í løgtinginum seint seinnapartin í dag.

Danski fólkaflokkurin legði herfyri uppskot fram á fólkatingi um, at bæði føroyingar og grønlendingar skulu hava herskyldu. Sama uppskot frá sama flokki um føroyska og grønlendska herskyldu fall á fólkatingi í 2016.

“At ein einstakur danskur andstøðuflokkur leggur fram uppskot um at broyta reglurnar á økinum hevur ikki við sær, at danska stjórnin gongur hesum ynski á møti. Um tað skuldi komið so langt, so ivist eg ikki í, at landsstýrið verður partur av viðgerðini á hesum týdningarmikla øki", væntar Bárður á Steig Nielsen.

Sambært heimastýrislógini verða hernaðarviðurskiftini í Føroyum flokkað sum felagsmál, ið danir sita fyri. Føroyingar verða tiknir upp á ráð í verjumálum sambært Fámjinskjalinum, sum varð undirskrivað í 2005.

Samgongan hevur sett sær fyri, at føroyskir myndugleikar skulu tryggja sær størri innlit í og ávirkan á øll uttanríkis-, trygdar- og verjupolitisk mál, ið hava týdning fyri Føroyar.

“Viðurskiftini millum Føroyar og Danmark eru í einari góðari legu í løtuni. Vit eru í einum ríkisfelagsskapi við Danmark, har partarnir virða hvør annan og samstarva væl, og tí eri eg sannførdur um, at landsstýrið bæði fer at fáa størri innlit og størri ávirkan á øll uttanríkis-, trygdar- og verjupolitisk mál í framtíðini,” sigur løgmaður.

Lýsing
Seinastu tíðindini
Súnhild Langgaard er borgari nr. 1600 í…
Ein fotosafaritúrur um Mykines (Seinni p…
Ein fotosafaritúrur um Mykines (1. partu…
Umfatandi eftirlits­kann­ingar av línuskip…
10. ferð at KÍ kemur víðari í altjóða fó…
Samrøða við Hallur Joensen
Video: KÍ 2 - 0 SJK Seinäjoki
Gongur væl við KG
Norðborg á Norð­havnina
Borgar­stjó­rin heilsaði upp á gullvinnara…
Tollstríðið órógvar handilin
Lions stuðlar Sinnisbata
Lívsleiðis Hendingar
Bogi Bech Jensen: Sloyfa málið um 100% g…
Finalur­nar í einmansleiki klokkan 10
Klaksvíksdamur í finaluni í dag
Myndarøð: KÍ vann samanlagt 4-1 á SJK
KÍ kom aftur í ár víðari eftir sannføran…
Samuel Chukwudi takkargávu úr Klaksvík
Føroyskir viðmerkjarar til NSÍ dystin