Endamálið við Faroexpo er at skapa nýggj sambond og at styrkja sambandið millum fyritøkur kring landið, umframt millum føroyskar og útlendskar fyritøkur.

Hvat er eitt partenariat?

Eitt forum, har bert tilmeldaðar fyritøkur hava atgond
Tó ber til at bjóða øðrum fyritøkum og einstaklingum á fund fyri ein rímiligan kostnað
Nýtt í ár er, at almenningurin eisini fær høvi at vitja vinnustevnuna eitt tíðarskeið hósdag seinnapart
Hvør fyritøka hevur ein profil við kunning um fyritøkuna, og hvørjar tænastur hon kann veita. Tær fyritøkur sum hava meldað til hava atgond at síggja profilarnar
Frá 20. august fáa fyritøkurnar møguleika at rita inn í skipanina og møguleikan at bíleggja fundir við aðrar luttakarar
Samlað fundarætlan verður send luttakarunum áðrenn Faroexpo byrjar
Hví skal tín fyritøka luttaka?

Tú kanst fáa nýggjar kundar, veitarar og samstarvsfelagar bæði heima og uttanlands
Tú møtir fyritøkum sum eru áhugaðar í at samstarva! Luttakararnir hava goldið fyri at fundast við tær fyritøkur sum tær ynskja at møta
Tú sparir tíð - í tveir dagar kanst tú halda upp til 16 fundir 
Tú kanst fokusera uppá tað sum hevur týdning! Alt tað praktiska tekur Faroexpo sær av, eisini samskipan av fundunum
Evnið á ráðstevnuni á Faroexpo er altíð viðkomandi. Í 2018 var heitið Vinna & Vælferð og kunnu fráðgreiðingar frá áhugaverdu fyrilestrunum lesast her:http://www.facebook.com/faroexpo/ á facebook síðuni hjá Faroexpo. Evnið á ráðstevnuni í 2020 verður kunngjørt seinni.