Serliga eru tað landsvegir millum smærri bygdir, sum trongja til eina bøtandi hond. Eitt dømi er Elduvíkarvegurin. Tað er vorðið tiltikið at lova asfaltering av hesum vegastrekkinum.

Í dag fer vegskatturin, sum allir akfarseigarar gjalda, beinleiðis í stóra pott og kann tískil verða raðfestur, sum politikarum lystir. Hetta eigur at verða broytt, so at í hvussu er ein partur av vegskattinum fer beinleiðis til rakstur og viðlíkahald av føroysku vegunum – eins og tunnilsgjald fer beinleiðis til rakstur av tunnilunum.

Við einari slíkari skipan kundi føroyska vegakervið verið lagt í eina tryggari og meira samhaldsfasta legu, sum hevði gjørt, at vit fáa eitt nógv betur hildið og skipað undirstøðukervi í Føroyum. Tað hevði serliga gagnað smærri bygdunum, sum í dag kunnu tykjast sleptar upp á fjall orsakað av ringum vegasambandi. Um vit lova eitt samhaldsfast ferðasamband í Føroyum, má hesin parturin verða raðfestur. Hetta fari eg at arbeiða miðvíst fyri á løgtingi.

Góði veljari – vel ein Hermann.

X við B

Hermann R. Samuelsen

Valevni fyri Sambandsflokkurin.