Toskur sum vigar upp ímóti 20 kg
Línubátarnir hava fingið nakað av sera stórum toski hendan túrin. Kvikk og Pison fingu fleiri av hesum "bankatoskum" og hava avreitt. Vit vóru á Kósini og tóku nakrar myndir ímeðan menn skóru við hond. Jóhannus Ziska, formaður á Kósini, sendið okkum eisini eina mynd, hann segði, at onkur, ið hevði verið á Kósini og fingið sær høvd, spurdi um skipini høvdu verið á Føroya Banka.
Mikkjal Pauli Lamhauge, skipari á Kvikki sigur, at teir fingu einar 100 av teim allar størstu toskunum hendan túrin og Pison hevði tosað um tað sama. Stóri toskurin líktist bankatoskinum, skræðan var ljós og roggið hvítt. Onkrir toskar vigaðu um 40 pund. - Vit hava tó ikki verið á Bankanum, segði Mikkjal Pauli Lamhauge, vit hava roynt norðanfyri hendan túrin og tað sama hevur Pison gjørt.