Monge er ikki eitt vanligt herskip, men eitt hátøkniligt mátingar- og eftirlitsskip. Skipið verður brúkt til at fylgja við rakettroyndum, missilskipanum og virksemi í rúmdini. Við sínum stóru parabol-antennum og framkomnu útgerð kann skipið taka ímóti og viðgera stórar mongdir av dátum frá rakettum og satellittum yvir langar fjarstøður.

Skipið er umleið 225 metrar langt og varð sett í tænastu í 1990’unum. Tað arbeiðir javnan saman við fronsku rúmdar- og verjuskipanunum og hevur áður verið brúkt í sambandi við royndarskjótingar og fylging av rúmdarætlanum.

Slík skip síggjast sjáldan í føroyskum firðum, og tí hevur ferðslan hjá skipinum vakt ans. Enn er tó ikki alment upplýst, hvat endamálið er við ferðini gjøgnum føroyskan sjógv.