Í samband við at løgtingið hevur samtykt eina integratiónslóg, er tað álagt øllum kommunum at hava sett ein integratiónssamskipara í seinasta lagi 1. juli 2026.

Tann 1. mai 2026 byrjaði Sóley Sjúrðaberg í starvinum sum integratiónssamskipari fyri norður-/eysturøkið.

Á fundinum í samstarvsnevndini, sum er mannað av borgarstjórunum í luttakandi kommununum sum føstum limum, greiddi Sóley frá arbeiðinum higartil og samskifti við borgarstjórarnar um viðkomandi spurningar og avbjóðingar.

Uppgávan hjá integratiónssamskiparunum verður m.a. at vegleiða, hjálpa og vísa á møguleikar og tænastur í kommununum, og saman við politisku skipanini tryggja at fólk trívast og verða ein virkin partur av samfelagnum. At enda á fundinum skrivaðu borgarstjórarnir undir samstarvsavtaluna.

Á myndini síggjast Ólavur F. Nybo, borgarstjóri í Kunoyar kommunu, Per Martin Gregersen, bogarstjóri í Eysturkommunu, Karl Johansen, borgarstjóri í Klaksvíkar kommunu, Dávur Juul, borgarstjóri í Fuglafjarðar kommunu, Karl Vilhelm Hansen, borgarstjóri í Hvannasunds kommunu, og Marita Sumberg, borgarstjóri í Viðareiðis kommunu. Símun Gullaksen, borgarstjóri í Fugloyar kommunu vantar á myndini.