Illveður í dag
Eitt lágtrýst er á veg tvørtur ígjøgnum Skotland í dag. Miðjan á hesum lágtrýsti er bert 250 fjórðingar sunnan fyri Føroyar seint í kvøld. Trýstið í miðjuni er tá um 960hPa. Tað er eitt sindur lágt.
Nógv luft verður drigin ímóti miðjuni á lágtrýstinum, og tað er so orsøkin til vindin, sum er í morgun og fer at vera allan dag.
Hyggjandi at vedrid.fo og lv.fo sæst, at barometrið enn er lækkandi, og at ættin er beint oman fyri eystan. Miðalvindferðin kring landið er eitt sindur ymisk. Miðskeiðis og sunnantil í Føroyum eru 20 til 25 m/s; norðanfyri og vestanfyri eitt sindur minni, 15 til 20 m/s.
Næstan soleiðis fer veðrið at vera restina av degnum í dag. Miðalvindurin fer at veksa eitt sindur meiri seinnapartin – upp í 20 til 25 m/s fyri alt landið. Hvirlurnar fara at vera fjórðingin ella helvtina meir enn miðalvindurin – t.e. um 30 m/s ella so.
Tað er farið at regna kring alt landið. Og soleiðis er allan dagin í dag, meiri ella minni. Slítur ikki í fyrr enn eftir midnátt.
Hitin liggur um 4 stig.