Oddmar Niclasen, skipari á Bragd sigur, nú teir eru inn av Norðhavinum, at teir hava fiska umleið 9.000 pund og av tí heldur hann at umleið 7.000 pund eru toskur. Bragd hevði 37 stampar við hendan túrin.

Tað rak ógvuliga hart norðanfyri í dag sigur Oddmar Niclasen víðari. Eg haldi ikki at vit fara avstað aftur í kvøld, tí sum eg skilji, so verður vindur í nátt aftur. Bragd avreiðir blóðgaðan fisk til Sjógæti.

Annars hevur helst ongin av størru útróðrarbátunum her verið úti í morgun. Vit tosaðu við Janus Sørensen av Brandi. Hann segði at teir høvdu ongan túr verið. Afturat tí visti Janus ikki hvussu tað var at sleppa av við fisk fyri hampuligan prís yvirhøvur.