Lýsing

Bakkafrost útsetir uppskot um útgjald av vinningsbýti fyri 2019 til 25. august 2020

SKRIVAÐ: Bakkafrost  |  26.03.2020 - 18:37 Tíðindaskriv Vinna

Víst verður til fráboðanina frá P/F Bakkafrost 25. februar 2020, har nevndin hevði uppskot um útgjald av vinningsbýti fyri 2019.

Orsakað av óvissuni av áhaldandi COVID-19 alheimsfarsóttini hevur nevndin í Bakkafrost P/F í dag avgjørt at afturkalla uppskotið um útgjald av vinningsbýti fyri 2019. Nevndin fer at leggja nýtt uppskot um útgjald av vinningsbýti fyri 2019 fram tann 25. august, tá ið úrslitini hjá Bakkafrost fyri fyrra hálvár verða løgd fram og óvissan orskað av COVID-19 væntandi er avhæsað nakað.

Seinastu vikurnar er COVID-19 alheimsfarsóttin farin um allan heim og hevur ávirkað laksamarknaðin munandi, órógvað sølu, veitingar og flutningsleiðir sum heild. Støðan broytist alsamt og skapar stórar óvissur, sum óivað fara at halda á enn eina tíð. Óvissa støðan hevur sannført nevndina og stjórnina á Bakkafrost um, at ábyrgdarfullast er yvir fyri partaeigarum, starvsfólki og samfelagnum at útseta avgerðina um útgjald av vinningsbýti fyri 2019.

Týdningarmikið er at veita vissu fyri, at Bakkafrost varðveitir smidleikan og fíggjarligu styrkina at halda fram við mongu íløguætlanunum. Hesar íløgurnar gera, at vit verða før fyri at vaksa framyvir og eru eisini av stórum týdningi fyri, at føroyski og skotski búskapurin koma fyri seg aftur aftan á kreppuna av alheimsfarsóttini.

Bakkafrost hevur ein alstóran leiklut í samfelagnum og í at tryggja nøktandi matframleiðslu til heimsins borgarar. Hesin leikluturin hevur ongantíð verið týdningarmiklari enn í truplu tíðunum, sum heimurin stendur yvirfyri í dag. Tí er tað alneyðugt at tryggja stóra framleiðslu, og Bakkafrost hevur innført hópin av verndaratgerðum at tryggja heilsuna og trygdina hjá arbeiðsfólkunum.

Týdningarmikið er at leggja dent á, at Bakkafrost hevur eina sterka fíggjarstøðu og góða atgongd til kapital. Í desember 2019 endurfíggjaði Bakkafrost bankalánini hjá samtakinum við einari fulltryggjaðari 5ára lánirammu við eitt bankasamtak, ið fevnir um Nordea, DnB og Rabobank. Nýggja lániramman er áljóðandi 352 mió evrur og 100 mió pund, umframt at Bakkafrost hevur møguleika at økja rammuna við 150 mió evrum. Við árslok 2019 var rentuberandi skuldin hjá Bakkafrost 1.019 mió kr., og tøki peningurin var áljóðandi 2.470 mió kr. (uttan gagnnýtslu av møguleikanum at økja rammuna). Solvensurin var 65% við árslok 2019.

Avgerðin í dag at útseta uppskotið um útgjald av vinningsbýti fyri 2019 broytir ikki politikkin um vinningsbýti hjá Bakkafrost, at 30-50% av vinninginum fyri hvørt partabræv skal verða útgoldið sum vinningsbýti.

Ársaðalfundurin verður hildin 3. apríl 2020, sum áður fráboðað. Samband:

 

Lýsing
Seinastu tíðindini
Vesturætt í dag
Skoraberg og Fuglberg landa á Kósini í m…
168 føroyingar fingið staðfest smittuna
Ongin flúgving til Svínoyar og Fugloyar
Tyrlan hjá donsku sjóverjuni
3. andakt - Marjun Lómaklett
Tilmæli um ferðing á páskum
159 føroyingar fingið staðfest smittuna
FILMUR: Til Kjøpinhavn við Viðoy í 1945
Gadus havt langa heimferð
Her er hann: Hans Hjalti framførdi koron…
Teir kavaðu niður á Reynsmúla í dag
Hygg her: Saman í tryggari frástøðu
Frægari upsafiski­skapur enn árini framma…
Bjarga Svínoynni við minni enn 2 km tunn…
Nýggjur koronatáttur í kvøld
64 føroyingar frískir í alt
155 føroyingar fingið staðfest smittuna
Veiðifelagið Byrsumúli 40 ár
Ein hjartalig tøkk frá okkum báðum