Lýsing
Lýsing

Jákup B og Klakkur fara at sigla heim

SKRIVAÐ: Oliver Joensen  |  04.05.2020 - 11:27 Mentan Myndarøð Tíðindi Vinna

Fyri løtu síðani fingu vit fatur á øðrum av framkomnu línubátunum hjá norðoyingum, Jákup B. Saman við Klakki hava teir roynt undir Eysturgrønlandi.

Vit fingu fatur á John Kára Jacobsen, stýrimanni á Jákup B, sum hevði vakt á brúnni tá vit ringdu. John Kári sigur, at tað hevur gingið sera væl hjá teimum hendan túrin. Vit fóru av Klaksvík 8. apríl og royndu 2 dagar undir Føroyum fyrst, bara fyri at royna skipið og útgerðina, síðani fóru vit at sigla vestureftir, málið var Eysturgrønland. Vit høvdu sett okkum fyri, at fingu vit eini 8-10 tons upp á dagin, so var tað væl.

15. apríl byrjaðu vit fiskiskap her. Vit ætlaðu at royna longur suðuri enn vit hava verið, men har var ikki atkomandi fyri ísi tá, so vit hava verið longur norðuri. Sigast má, at fiskiskapurin hevur verið góður. Vit hava fiska tað í miðal upp á dagin, sum vit settu okkum fyri, og væl tað og sum ætlanin liggur nú, so fara vit at sigla ímorgin á miðdegi har á leið. Tó, tað passar soleiðis, at frídagur er heima fríggjadagin, tá vit rokna við at vera heima um siglt verður eftir ætlanini í morgin, so kanska finna vit uppá eitthvørt annað, eitt nú eftir svartkalva á djúpum vatni, men tað er óvist.

Veðrið hevur verið sera gott á túrinum, onkran sjaskdag hava vit havt, men onki at tosa um. Vit hava eisini sæð okkurt til ís, men ísur hevur slet ikki tarnað okkum, sigur John Kári Jacobsen, stýrimaður á Jákupi B at enda.

Um Klakk fingu vit at vita frá Bethuel Johannesen, ið er heima hendan túrin, at Klakkur væntandi fer at sigla eftir miðnátt í kvøld. Bethuel segði at teir so roknaðu við at kunna landa fríggjadagin, men tað er eitt sindur óvist, orsakað av at fríggjadagurin er frídagur. 

Bæði Klakkur og Jákup B hava fulla last nú teir eru um at fara at sigla heim. John Kári Jacobsen á Jákupi B segði áðrenn hann legði rørið á, at um farast kundi eftir veðurforsøgnini, so sá út til at teir fóru at fáa eina sera góða heimferð tvørtur um havið.

Lýsing
Seinastu tíðindini
Corona: Ein tilburður staðfestur
KÍ vendi aftur øllum og vann
Vitja 5 fjallatoppar og vinn
Kirkju­bøkur­nar í Eysturoynni
Kaj Leo Holm Johannesen helt røðu til pr…
Upptakt: KÍ-TB
Søla í smáttunum
Kommunala Eftirlitið kannar valagn
Tøkk
Fleiri vegir verða asfalteraðir
Norðlýsið á gøtuni
Læra av Bakkafrost
Danmark-Føroyar í oktober
Fylg makrel­kanningu­num 2020
Tað spruttar av lívi í Klaksvíkar Róðrar…
Tróndardagur í Gomlu Norð­ragøtu
Løgtingsvalið í Klaksvík 1994
Marknaðargrundað skipan í Havn
Team Klaksvík hevur tveir útlendskar mál…
Lógaruppskot um bústaðaætlan til hoyring…