Gera boriroyndi fyri nýggja Húsarhaldsskúlanum
Í góðveðrinum í kvøld stóð Martin Sivertsen, sum eigur felagið, Bora, og riggaði til at gera boriroyndir í miðbýnum.
Talan er eini fýra hol, sum verða boraði 6 m niður. Hetta fyri at vita hvat tilfar er undir, tá ið grivið verður fyri nýggja Húsarhaldsskúlanum, sum skal liggja áleið har, sum verandi kappróðrarneyst stendur og so nakað nærri móti Nólsoyar Páls húsinum.
Fyrsta boriroyndin skuldi gerast við ánna og síðani eysturyvir, har skúlin skal standa.
Slíkar boriroyndir vórðu eisini gjørdar fyri at kanna undirlendið, har sum nýggja mentanarhúsið skal standa. Borað varð 6 m niður. Niðri í bønum var mógvur og mold niður á 4,5 m og síðani bláleirur – ikki hella.
Liðna kjallaragólvið í mentanarhúsinum - tilbygninginum vestanfyri verandi Posthús - kemur at liggja eini fýra metrar undir verandi fortovi við Klaksvíksvegin.