Høgætt í nógvar dagar afturat
Hann hevur ligið norðaneftir – ella har á leið – í nakrar dagar. Soleiðis fer tað at vera næstu 4-5 dagarnar. Ættin fer at liggja ímillum norðan og vestan. Vindferðin fer at veru undir 10 m/s mestsum allatíðina, tó ikki ein løtu fríggjadagin, tá ið vindferðin fer upp ímót i 15 m/s.
Veðrið næstu dagarnar fer at verða soleiðis:
Í morgin – hósdagin – fer ættin at mala ein løtu fyrrapartin úr útsynningi og upp í útnyrðing (lítil og eingin vindur), men seinnapartin er hann aftur norðan, og vindferðin fer at liggja um 5 m/s. Eitt sindur av ælaveðri við regni fyrrapartin, men eftir tað turt kring mestsum alt landið líka til seint um kvøldið. Tá fer eitt brúgvalag við regni framvið Føroyum.
Hitin í morgin fer at liggja um 5 til 7 stig.
Fríggjadagin fer ættin at vera útnyrðingur-norðan. Vindferðin lítil og eingin tíðliga á morgni, men so fer at veksa spakuliga. Á middegi eru 8 til 12 m/s, og tað er vindferðin restina av degnum. So er tað avfallið. Turt mestsum allan dagin, tó kann okkurt ælið vera í støðum.
Hitin fríggjadagin fer at liggja um 4 til 5 stig.
Leygardagin fer ættin eisini at liggja um útnyrðing. Hann fer eitt sindur uppum og niðurum í løtum. Vindferðin fer at minka úr 8 til 12 m/s tíðliga á morgni niður um 5 m/s eftir middag. Eitt sindur av avfallið verður leygardagin í ælingum, og tað er bland av regni og vátakava.
Hitin leygardagin fer at liggja um 3 til 5 stig.
Sunnudagur fer at líkjast leygardegnum nógv.
Soleiðis sum viðurskiftini í lufthavinum eru í kvøld, fer heitari luft sunnaneftir ikki at koma fyrr enn mánadagin.