Flogskiparafelag Føroya hevur hildið eyka-aðalfund
Í kjalarvørrinum av kungjørdu hópuppsagnunum frá Atlansflogi fyrr í vikuni, valdi nevndin í Flogskiparafelag Føroya at kalla limirnar inn til eyka-aðalfund. Fundurin var hildin í gjárkvøldi, 15. mai, og millum annað vóru vánaligu útlitini í tjóðarfelagnum umrødd. Eisini var nýggj trýmanna nevnd var vald, og hon er nú mannað soleiðis: Hans Christian Petersen (afturvaldur), Johan í Niðristovu (nývaldur) og Rúni Højgaard (nývaldur). Inn sum tiltakslimir komu Thomas Bo Petersen (nývaldur) og Jógvan Eli á Høvdanum (afturvaldur).
Nýggja nevndin ásannar, at komandi tíðin verður sera avbjóðandi fyri flogvinnuna sum heild, og nógvir av limunum í Flogskiparafelag Føroya kunnu vænta eina uppsøgn áðren 31. Mai. Ein av uppgávunum komandi dagarnar verður soleiðis fyrst og fremst at koma í eitt konstruktivt samskifti við Atlantic Airways, við tí fyri eyga at varveita so nógv størv sum gjørligt, og samstundis tryggja, at galdandi ásetingar í sáttmálanum millum Føroya Arbeiðsgevarafelag og Flogskiparafelag Føroya verða virdar í uppsagnartilgongdini. Nevndin hevur skipa seg soleiðis:
· Rúni Højgaard, formaður
· Hans Christian Petersen, næstformaður
· Johan í Niðristovu, nevndarlimur
· Thomas Bo Petersen, kassameistari.
Nevndin í Flogskiparafelag Føroya.